Edi Rama: Dashuria është ‘melhem’, ja cilën grua s’e refuzoj dot (VIDEO)

Kryeministri Edi Rama, në një intervistë 60 sekondëshe për “Prive”, u është përgjigjur disa pyetjeve të shpejta, një pjesë e të cilave edhe provokuese. Kreu i qeverisë, ndër të tjera ka thënë se paraja për të nuk është asgjë, ndërsa dashuria është melhem. Po ashtu, Rama thotë se femrat nuk kanë pse t’ia kenë frikën, ndërsa femra që nuk mund ta refuzojë është gruaja e tij. Mes morisë së pyetjeve, Rama tregon se zemra i është thyer aq herë sa edhe i është ngjitur, është i dashuruar pas kohës që vrapon, ndërsa frikë ka t’u ngjajë atyre njerëzve që budallallepsen duke u plakur. Megjithatë, Rama ka edhe rezerva: ka refuzuar ta thotë fjalën më të ndyrë që përdor, ndërsa ka theksuar se nuk e gjen veten tek filmi “Fifty Shades of Grey” – nuk i pëlqen fare ai film.