“Zoti kryeministër gëzuar ditëlindjen, ty, mua, Amerikës! Tom Cruise pastë faqen e zezë që s’na ftoi njëherë për një gotë verë”. Ky është urimi me të cilin e ka nisur sot, ditën e përvjetorit të saj, aktorja simpatike shqiptare Rudina Dembacaj. Drejtuesja e programit të ri të “Ora News”, “Mos i fol shoferit”, sot bën 30 vjeç. Ky 30-vjetor e ka gjetur Rudin lumturisht të realizuar, ajo është martuar me burrin që dashuron dhe Zoti i ka bekuar me një vajzën, ndërsa është në një kohë shumë të mirë të karrierës së saj. Pas videos me urimin e parë për Ramën dhe vete, ajo ka publikuar edhe dy video të tjera, ku sigurisht që nuk mund të mungonte humori i aktores. “E ndjej që jam rritur pasi 30-vjetori im filloi në shtëpi ndërsa 25-vjetori im filloi në urgjencë ngaqë kisha pirë. Kjo zhurma që dëgjohet në sfond është pompa e gjirit”, thotë Rudina./ revistawho.com
