Edona James i është nënshtruar një operacioni në Turqi për reduktimin e gjoksit. “Prive” ka ndjekur nga afër gjithë procesin, që nga nisja e saj nga hoteli në spital e deri në sallën kirurgjikale.
Ish-banorja e BBVK 2 ishte shumë entuziaste për këtë operacion, teksa tregoi edhe ndërhyrjet e deritanishme që ka bërë.
“Gjininë e kam bërë tri herë, hundën e kam bërë dy herë, kam bërë gjoksin 6 herë, më pyet njëherë sa operacione s’kam bërë”, tha Edona.
Operacioni i reduktimit të gjoksit rezultoi i ndërlikuar pasi zgjati 8 orë. Njëri prej gjinjve të saj ishte në gjendje jo të mirë e nëse ndërhyrja nuk do të ishte kryer, rrezikonte shfaqjen e një tumori. Mjeku i saj shpjegoi gjithçka ndodhi në sallë. Ai tha se shkaku i kohës së gjatë të operacionit ishin qepjet që në këtë rast kryhen në një mënyrë specifike.
“S’ka më operacione. Shyqyr që shpëtova. 8 orë operacion! Njeriu ka vdekur, njeriu fle, asgjë nuk ndien. Kur u zgjova e pashë veten, u gëzova” , tha Edona.
