Pas përfundimit të Big Brother VIP 2, Efi u zhduk nga vëmendja e publikut dhe zgjodhi të qëndronte larg ekranit për ca kohë.E ftuar në “Më lër të flas”, ish-banorja tregoi se nuk është ndjerë mirë emocionalisht dhe psikologjikisht dhe i është dashur të marrë kohë për të punuar me veten. Efi tregoi se për një pjesë të kohës ka pasur probleme të rrethohej nga njerëzit, dhe se nuk ndihej mirë mes turmave të mëdha. E pyetur se kush është personi që ‘e mori më qafë’, duke e këshilluar që të rifutej në Big Brother VIP 2, Efi tha se ai ishte Donaldi.
Efi: Këtë periudhë kam vendosur t’i përkushtohem vetes time. Pas hyrjes time të dytë në Big Brother gjërat nuk shkuan edhe aq mirë. E kam fjalën për gjendjen time psikologjike dhe emocionale. Hera ime e dytë në BBV2 ka qenë pak vuajtje, përtej shakave dhe thjesht kam dashur të reflektoj. Kam pasur probleme edhe me njerëzit. Nuk ndihesha mirë kur dilja, kur kishte shumë njerëz rreth e rrotull meje kështu që kam dashur të rri vetëm. Unë jam njeri shumë emocional, pavarësisht se nuk dukem. Si njeri emocional që jam gjërat nuk shkuan ashtu sikurse i kisha parashikuar. Ka pasur shumë presion psikologjik. Primet unë thjesht doja që të mbaronin dhe përfundoi.
Donaldi: Rifutja ishte një vendim shumë i gabuar për ty pra?
Efi: Nuk di ta them nëse ishte një vendim i gabuar…
Romeo: Kush ta dha si ide kur e pyete ‘a të futem’?
Efi- Romeos: Vëllai jot ma dha. Mora zotërinë, vëllain tënd në telefon dhe…
Romeo: Domethënë të mori Donaldi më qafë?
Efi: Po po, Donaldi e ka fajin.
Donaldi: Kompania jonë paguan edhe një fije sigurimi për të gjitha këto dëmet dhe unë mendoj se juve ju kanë ardhur ata korrierët tanë edhe…
Efi: Po po, kanë ardhur. U rregulluam, është mbyllur kjo temë, nuk kemi pse e diskutojmë më. Je i falur.
