Egla Ceno duket se ka zgjedhur ironinë si mënyrën e saj të preferuar për të komentuar zhvillimet e fundit në showbiz. Në një reagim që nuk kaloi pa u vënë re, ajo hodhi thumba ndaj një deklarate publike të bërë së fundmi, duke e shoqëruar me nota sarkazme dhe humor të mprehtë.
Gjithçka nisi nga një moment televiziv, ku u theksua mbështetja e fortë brenda një çifti të njohur, një mbrojtje që u interpretua nga shumëkush si e tepruar. Pikërisht kjo qasje u bë shkas për reagimin e Eglës, e cila zgjodhi të flasë me ironi të hapur:
“Ah, si s’kam një burrë që të kujdesej për ‘kolltuqet’ e mia. ‘Punë majdanozi’, duhet t’i zgjidh të gjitha hallet vetë në këtë jetë!”
Me këtë frazë, Egla duket se vë në lojë jo vetëm idenë e “mbrojtjes publike”, por edhe komoditetin që, sipas saj, shoqëron disa role televizive dhe pozicione të favorshme në ekran.
Ironia nuk u ndal me kaq. Ajo vijoi më tej, duke komentuar edhe gjuhën e përdorur në daljet publike, sërish me të njëjtin ton thumbues:
“Apo preferoni të lexoni ‘punë mjuti’? Oh pardon, unë jam femër, nuk më ka lezet ky fjalor, edhe ‘majdanozi’ më merret si herezi.”
Në fund, mesazhi u përmbyll me një fjali që u bë menjëherë virale dhe u shpërnda gjerësisht në rrjetet sociale:
“Ju rrofshin kolltuqet me gjithë kolltuksa.”
