Egla Ceno ka ndezur gjithë Instagram-in me një koment që i ka bërë ndjekësit të mendojnë se mund ta shohim sërish aty ku shkaktoi debatet më të forta të reality-show-ve shqiptare. Fituesja e “Big Brother VIP Albania” i është përgjigjur një pyetjeje nga fansat, dhe ajo çfarë tha… ka hapur skenarë pafund!
Një ndjekës e pyeti drejtpërdrejt:
“Kur do të të shohim sërish në ekran? Mbase si opinioniste e BBVA5?”
Dhe Egla, si gjithmonë, e ktheu përgjigjen me ironi, por edhe me një “erë sekreti” që mbase nuk është rastësore:
“Mbase. Ose mbase po bëj valixhen për të rihyrë, gjithmonë gati për ndonjë debat të mirë. Pupupupu.”
Pas këtyre fjalëve, rrjeti ka shpërthyer me teori: a po planifikon Egla një rikthim triumfal në shtëpinë më të famshme? Apo ndoshta do ta shohim në panel si opinioniste të fortë dhe pa filtra?
Një gjë është e sigurt: publiku e ka ende të freskët figurën e saj shpërthyese dhe debatet që e kthyen në një nga personazhet më përfolur të BBVIP. Ajo që duket si një shaka, shumë mund ta lexojnë si paralajmërim…
