Egli Tako kërkon votën e publikut për t’u rifutur në shtëpi dhe për t’iu kthyer sërish lojës së saj, që ajo ndërpreu pak ditë më parë për arsye shëndetësore.
Egli Tako: Ka qenë një ndër gripërat më të vështirë, që kaloi në mushkëri. U bashkua dhe me rëndesën emocionale, erdhi një pikë që më lanë fuqitë. Mendoj se kisha nevojë të merrja frymë, kisha nevojë të ndieja dashurinë e sinqertë, pavarësisht se i gjeta në një gjendje jo të mirë në shtëpi. Në fakt, për ta jam sot këtu. Mami sot ka ditëlindjen dhe u thashë se ky rikthim është për ju dhe për të vënë në vend dinjitetin tim. Kam mohuar veten time dhe e gjeta veten duke e bëra sërish. Ata që vërtetë më kanë dashur, i gjeta të shkatërruar dhe gjeta veten të shkatërruar.
Sa i përket Gjestit, Egli u shpreh: Kam thënë më fal për shumë gjëra që nuk ka qenë faji im. E kam bërë se e kam dashur, vazhdoj të ndiej. E kam sfidë të hyj brenda për ta pasur sërish pranë 24 orë, por po hyj për të mos qenë ajo që kam qenë, jo për të qenë e keqe me dikë, por për të qenë e mirë me veten time.
