Pak ditë më parë, Dagz martoi motrën dhe Einxhel mori vëmendje me pamjen e saj. Mes shumë komplimentave pati edhe 2-3 komente që e kritikonin për ngjyrën e fustanit. Sot Einxhel ka sqaruar publikun pse zgjodhi fustan të zi dhe shprehet se ngjyra e fustanit nuk përcakton respektin dhe dashurinë ndaj kunatës.
“Kam zbuluar se Shqipëria është vendi ku respekti ku dashuria tregohet nga ngjyra e fustanit. Nuk e di kush është ngjyra që mund të tregosh dashuri dhe respekt, por unë jam me atë që tregohet me vepra dhe jo me ngjyrën e fustanit. Njoh shumë kunata që kanë veshur fustan të kuq e që nuk durojnë njëra-tjetrën. Ndaj më mirë fustanin e zi e ta dua kunatën time. Të shtojmë se ngjyrën e zgjodha nga halli, doja lejla por format e mia trupore nuk ishin gati, dhe kunata më sugjeroi të ziun”, tha Einxhel.
