Moderatorja Einxhel Shkira vijon të mbajë një rekord që askush tjetër nuk ka arritur ta thyejë deri më sot: është banorja më e nominuar në historinë e “Big Brother”, plot 16 herë.
Edhe pse nuk ishte pjesë e spektaklit që nga dita e parë në edicionin e parë të “BBVA”, Shkira arriti të vendoste këtë shifër historike, e cila vazhdon të mbetet e pakonkurrueshme.
Gjatë sezonit të fundit të “Big Brother VIP Albania” u përfol se Gerta Gixhari mund ta kishte tejkaluar këtë rekord, por sipas rregullave të programit, nominimi i saj i përhershëm erdhi si vendim i “Vëllait të madh” dhe jo nga banorët. Për këtë arsye, rekordi i Shkirës mbetet i paprekur.
