Deklarata bombë ka ardhur nga një debat i nxehtë që ka nisur mes Einxhel Shkirës, Alba Çobajt dhe deputetit nga Lezha Eduart Ndocaj sa i takon shqetësimit të tyre se në Shqipëri nuk ka meshkuj me këllqe që t`i përballojë ato. E gjitha ka ndodhur në studion e Top Show-t gjatë transmetimit të temës “Ligjin e bëj unë”. Duke qenë se kohët e fundit nuk ka gjetur një mashkull që ta bëjë për vete, prezantuesja bukuroshe e MAD i ka thënë Albës që ta provonin bashkë pas ngacmimit që i bëri deputeti kaubojs Eduart Ndocaj se vajzat po vuanin për të gjetur një burrë, “U pa puna o Alba, jemi që jemi, le të lidhemi me njëra-tjetrën, nuk ka njeri për ne”- ka pohuar me të qeshur ajo. Einxhel dhe Alba prej kohësh shoqërohen së bashku për shkak të disa projekteve të reja në MAD TV, por që të kishte më shumë se shoqëri mes tyre askush s`e kishte parashikuar. Nuk dimë nëse bëhet fjalë për shaka ose jo, por propozimi i Einxhel nuk kaloi pa u vënë re duke pasur parasysh që ajo së bashku me Albën janë ndër prurjet e reja më pikante të ekranit shqiptar.
