Einxhell Shkira ka ndarë me ndjekësit e saj një reflektim sa romantik, aq edhe ironik, që ka ndezur rrjetin. Moderatorja ka publikuar në Instagram një postim ku rrëfen se ka zbuluar se DJ Dagz i kishte bërë “like” shumë vite më parë, në një kohë kur ata ende nuk njiheshin.
Një detaj i vogël, por me domethënie të madhe, që e ka shtyrë Einxhell të mendojë për rastësitë e jetës dhe rrugët që mund të ishin kryqëzuar më herët. Ajo shkruan me humor dhe nostalgji se ndoshta, po të kishin qenë pak më të vëmendshëm ose po të kishte pasur pak më shumë guxim nga ana e tij, sot historia e tyre do të kishte nisur shumë më herët.
“Ja pra vajza, dashuria e jetës tuaj mund të jetë diku aty dhe po të ishit pak më të vëmendshme ose ai të kishte guxuar pak më shumë… mund të kishit 4 fëmijë tani”, shkruan Einxhell, duke e mbyllur postimin: “Nejse, kot s’thonë, çfarë është kismeti jot, s’ta merr njeri”.
