Filmi “Dy gisht mjaltë” ku protagonistë janë Elvana Gjata dhe Ermal Mamaqi pritet të shfaqet shumë shpejt në kinematë shqiptare, megjithëse ende nuk është zbuluar data zyrtare. Projekti kinematografik i zhanrit komedi romantike ka në qendër një çift, të cilët pasi martohen nisen në muajin e mjaltit që ndiqet nga ngjarje jo dhe aq të këndshme.
Ndërsa të gjithë presin me padurim premierën e tij, burime të sigurta për RevistaWho.Com kanë zbuluar kujt i është besuar kolona zanore e këtij projekti kinematografik. Orgesa Zaimi do të jetë këngëtarja, e cila pritet të prezantojë këngën e saj të re në këtë film.
Vetë këngëtarja nuk ka dashur të zbulojë detaje rreth këtij projekti dhe këtë e ka lënë të kuptohet me përgjigjen që i ka kthyer njërit prej ndjekësve të saj në ‘Instagram’ ditën e djeshme. Pyetjes që lidhej me këngën e re që do publikojë, Orgesa ju përgjigj: “Projekti i radhës është një kolonë zanore filmi shqiptar. Jam shumë entuziaste do e merrni vesh shumë shpejt”.
Mbetet gjithsesi surprizë vetë kënga, e cila do të këndohet nga vokali i fuqishëm i këngëtares së njohur./revistawho.com
