Trajneri i Kombëtares Gianni De Biasi mori dje vlerësimin “Honoris Causa”. Ky titull mirënjohjeje për drejtuesin e skuadrës përfaqësuese të Shqipërisë u dha nga Universiteti Europian i Tiranës. Në këtë aktivitetet ishtë i pranishëm edhe Kryeministri i Shqipërisë Edi Rama. Ai e cilësoi “shefin” e kuqezinjve si një italian të mençur e shqiptar të paepur. Ky vlerësim për trajnerin, vjen përpara një ndeshjeje historike të futbollit shqiptar. Duke folur për takimin Shqipëri- Serbi në Elbasan Arena më 8 tetor, ekskluzivisht për “ËHO” De Biasi shprehet se është shumë e rëndësishme sjellja e të gjithëve atë ditë, si brenda dhe jashtë fushës. Sipas trajnerit, sytë e të gjithë Europës do të jenë tek ne. “Kemi një mundësi të madhe për të treguar se jemi të zotët të bëjmë tifo për skuadrën tonë duke respektuar kundërshtarin. Dhe të tregojmë se objektivi ynë final është më i rëndësishëm se çdo gjë tjetër. Diferencën mund ta bëjmë në këtë ndjeshje dhe e gjithë Europa do t’i ketë sytë tek sjellja jonë brenda dhe jashtë fushës”, deklaroi De Biasi.
