E kemi parë në “aksion” përgjatë gjithë verës prezantuesen e bukur Bora Zemani. Siç e dini ajo u vendos në jug të vendit për xhirimet e programit “Guximtarët”, që “detyroi” personazhet e famshëm shqiptarë të hidhen me parashutë. Por ç’po ndodh me jetën e Borës jashtë punës? Disa herë është përfolur një ndarje midis saj dhe DJ të talentuar Vin Veli. Ata janë prindër të një vogëlushi bukurosh që quhet Arbor, por duket se gjërat nuk janë më si më parë. Dyshja prej kohësh nuk shihen më në shoqërinë e njëri-tjetrit. Siç e përmendëm Bora pas xhirimeve vazhdon pushimet në jug ndërsa Vini netët verore kudo si DJ. Edhe në dasmën e Turjan Hyskës dhe Orinda Hutës ku Veli ishte ftuar si mik i çiftit, ai shkoi pa Borën. Gjithashtu DJ nuk e ndjek më nënën e të birit në ‘Instagram’, por ajo po. Vallë çfarë po ndodh me ata të dy? Të jenë ndarë përfundimisht? E kontaktuar nga “revistawho.com” përgjigjja e moderatores bukuroshe ishte e prerë, pas dashur të japë shumë sqarime. “Jo, nuk është e vërtetë”, – na tha Bora. Se si do shkojë kjo histori, do duhet të presim javët dhe muajt e ardhshëm për më shumë zhvillime./ revistawho.com
