Vitin e kaluar libri i tij “Sekretet e Shijes” sjellë në treg nga shtëpia botuese “Dudaj” u rendit në top 3-shen e botimeve më të shituara të panairit.
Edhe gjatë panairit të këtij viti libri i masterchef-it të njohur, Renato Mekolli duket se ka ecur shumë mirë.
Në një prononcim për revistawho.com ai është shprehur se së shpejti pas suksesit të botimit të parë, do të botohet edhe libri i tij i dytë.
“Jam shumë i kënaqur pasi libri ka ecur shumë mirë. Kam filluar punën për librin tim të dytë, i cili këtë herë do të jetë në anglisht. Receta shqiptare të rikonceptuara nga unë do të jenë ato që do të gjeni në faqet e këtij libri, por që këtë herë do të botohet jashtë Shqipërisë”, – është shprehur Renato Mekolli. Për më shumë ju ftojmë të ndiqni intervistën në video. /revistawho.com
