Siç është bërë e ditur disa kohë më parë, shefi më i njohur i kuzhinës, Renato Mekolli, pritet të vijë shumë shpejt me një emision gatimi për fëmijë. I kontaktuar nga Revista Who, ai ka treguar disa detaje më shumë rreth datës së nisjes së programit dhe se si do të funksionojë përmbajtja e tij.
Renato ka treguar se do të jenë 2 grupe me fëmijë, të cilët do të garojnë kundër njëri-tjetrit. Ai ka zgjedhur t’i quajë skuadra e domateve dhe skuadra e specave.
Çdo javë do ketë konkurrentë të rinj dhe çdo puntatë e emisionit do të rezervojë një fitues, megjithatë dhe ai që humbet do të ketë mundësinë t’i vendosë një dënim shef Renatos, nga inati i largimit.
Ajo çfarë ka theksuar Mekolli është se fituesi i çdo jave do të zgjidhet nga publiku dhe jo nga vetë ai. Formula e programit është e gjitha e ideuar nga vetë Renato.
Audicionet për emisionin pritet të fillojnë shumë shpejt, ndërkohë programi do të shfaqet për publikun në javën e parë të muajit prill.
Deri atëherë na mbetet të gjithëve të presim me kureshtje se çfarë do të rezervojë shefi kësaj here në kuzhinë së bashku më fëmijët./revistawho.com
