Bashkëshorti i Almeda Abazit, aktori i famshëm turk Tolgahan Sayisman ka ardhur sot në Shqipëri për herë të parë si i ftuar special në spektaklin e kërcimit “Dancing With the Stars”.
Almeda ka zbuluar për “revistawho.com” detaje nga aktiviteti i tyre gjatë ditëve që çifti do të qëndrojë në Shqipëri.
“Nga aeroporti erdhëm direkt në Bashkinë e Tiranës, u takuam me Kryetarin, Erion Veliaj. Nesër do të mbjellim një pemë përballë Bashkisë, për qytetin ku unë u rrita dhe që më dha shumë. Tani po shkojmë në prova për ‘Dancing’”, – ka thënë Almeda në një komunikim përmes telefonit.
Bukuroshja gjithashtu ka zbuluar se bashkëshorti do të jetë gjatë gjithë kohës me të, ndërkohë që darkën do e kalojnë me gjyshërit e saj për të ngrënë të gjithë bashkë iftarin. “Tolga do të jetë me mua gjatë gjithë kohës, edhe në prova. Në darkë do të jemi për iftar me gjyshërit e mi, sepse jemi me argjërim”, – ka treguar ajo.
Të premten mbrëma Almeda dhe Tolgahan do të kërcejnë në finalen e “Dancing With The Stars” një kërcim dashurie. Se çfarë konkretisht do të na duhet ta zbulojmë më 8 qershor, bashkë me emrin e fituesit të spektaklit të vallëzimit. / revistawho.com
