Kate Middleton bëri një paraqitje të rrallë publike sot. Princesha ishte në krah të Princit William, i cili mirëpriti emirin e Katarit në Mbretërinë e Bashkuar. Princi dhe Princesha e Uellsit ishin anëtarët e parë të familjes mbretërore që takuan kreun e shtetit të Katarit, Sheikh Tamim bin Hamad Al Thani dhe gruan e tij, Sheikha Jawaher bin Hamad bin Suhaim Al Thani, mëngjesin e së martës, 3 dhjetor.
Princesha e Uellsit ishte në gjendje të mbështetej tek bashkëshorti i saj Princi William ndërsa u rikthye mbresëlënëse në detyrat mbretërore sot.
Kate veshi një pallto ngjyrë vishnje, me kapelë të ngjashme dhe çizme me taka ndërsa ajo dhe Princi i Uellsit mirëpritën Emirin e Katarit dhe gruan e tij. Kate i është rikthyer gradualisht detyrave mbretërore, pasi ajo njoftoi në shtator se kishte përfunduar trajtimin e saj të kimioterapisë.
Pasi përshëndetën mysafirët e Katarit në hotelin e tyre, William dhe Kate i shoqëruan ata në Paradën e Rojeve të Kuajve, ku takuan Mbretin Charles për një pritje ceremoniale përpara se të ktheheshin në Pallatin Buckingham në një procesion karroce.
Ndërsa kryente detyrat, Uilliam u pa duke vendosur me butësi një dorë në dukje mbështetëse në shpinën e gruas së tij. Sipas ekspertes së gjuhës së trupit, Judi James, gjesti në të vërtetë ka një kuptim tjetër.
Ajo tha për Mirror: “Dora e tij në shpinën e Kate mund të shihet si mbështetëse, por në fakt duket më shumë si një simptomë e përqafimeve të cunguara. Prekja e tij në shpatullën e Kate është më shumë për të treguar përparësi të sjellshme, e cila mund të pasqyrojë sinjalet e saj të fuqisë dhe forcës, vëmendjen e plotë kur ajo flet, që do të thotë dashuri dhe respekt.”
Dhe sipas Judit, gjithçka në lidhje me pamjen e Kate tregonte: “Unë jam kthyer”. Ngjyra vishnje, një ngjyrë mbretërore e lidhur me forcën dhe dëshirën për të dalë në pah në vend që të qëndroni prapa.
