EKSPERTIZA/ Njerku e përdhunoi 12-vjeçaren edhe 1 ditë para denoncimit

Dosjes së Prokurorisë i është shtuar dje ekspertiza mjekoligjore, e cila vërteton plotësisht dyshimin e hetimorëve për përdhunimin sistematik të 12- vjeçares E.Y., nga fshati Mbyet i Fierit. Të dhënat e paraqitura në ekspertizë fundosin pretendimin deri më tani të njerkut Ilmi Hoxha, i cili mohoi në vazhdimësi abuzimin me të miturën. Vajza mësohet se është dërguar për të marrë ndihmë mjekësore të specializuar në një qendër për të mitur, por nuk është marrë në pyetje në lidhje me këtë dyshim, pasi sipas të dhënave gjendja e saj psikologjike është ende e ngarkuar. “Pasi u krahasuan me ato të Ilmi Hoxhës, u vërtetua se ky i fundit kishte kryer marrëdhënie me të miturën vetëm një ditë para se të bëhej denoncimi”, bënë të ditur burime nga grupi hetimor, shkruan “Panorama”. Përgjigjja e ekspertizës mësohet se u është komunikuar edhe dy të përfshirëve në skandal, nënës së fëmijës, shtetases Selvie Yzeirajt dhe njerkut Ilmi Hoxha. /Panorama