Ekspertiza mjekoligjore vërteton plotësisht dyshimin e hetimorëve për përdhunimin sistematik të 12-vjeçares E.Y. nga fshati Mbyet i Fierit. Kështu, të dhënat e ekspertizës fundosin pretendimin e njerkut Ilmi Hoxha, i cili mohoi vazhdimisht të kishte abuzuar me të miturën.
Por fakte akoma më tronditëse janë zbuluar nga ekspertiza, pasi mësohet se në trupin e fëmijës janë gjetur mbetje sekretive të më shumë se një partneri.
Kjo ka përforcuar dyshimin se 12-vjeçarja është përdorur për prostitucion nga e ëma, Selvie Yzeiraj, më qëllim përfitimi.
Vajza mësohet se është dërguar për të marrë ndihmë mjekësore të specializuar në një qendër për të mitur, por nuk është marrë në pyetje në lidhje me këtë dyshim, pasi sipas të dhënave gjendja e saj psikologjike është ende e ngarkuar.
