Ajo nuk është si ato ekspozitat e zakonshme që jemi mësuar të shohim. Prej kësaj ekspozite kemi të gjithë copëza kujtimesh, ndoshta edhe dhimbjesh, edhe lotësh, herë-herë buzëqeshjesh, kemi ëndrra, përqafime, nga aty kemi dritëhijet e vërteta për punën. Gazetarja e njohur Kristi Gongo, pas suksesit të dy sezoneve të “Punë pa teka”, solli në një mënyrë të veçantë një ekspozitë me foto nga puntatat, për një takim të ngrohtë mes miqsh. Fotot, por edhe vetë veshjet e profesionistëve të ndryshëm e bënë të veçantë këtë ekspozitë. Natyrisht që disa prej personazheve nuk i rezistuan veshjeve, Julka Gramon e pamë si bojaxhie, Erjona Rusin si infermiere dhe Alban Musën si ushtar. Tani na mbetet veçse të presim “Punë pa teka” për atë që Kristi e quan “kryevepër”, për punën.
