Vjeshta trokiti, por prit pak, dhuratën e fundit të verës 2024 gjejeni kush na e bëri; po, e gjetët, Maison de Parfum Tirana. Në një event nga ato me 5 yje, në një natë fundgushti nga ato me një pafundësi yjesh, për të prezantuar dy fragranca të reja, Elle Anniversary dhe Homme Anniversary nga shtëpia e parfumeve “Xerjoff”.
Më shumë se dekada më parë, Sergio Momo krijoi “Xerjoff” në Italinë e ëndrrave, në Torinon e viseve të fshehura, aty ku tani numërohen disa prej fragrancave më të mira. Prezantimi i dy fragrancave nuk mund të bëhej ndryshe veçse mes miqsh, në një mbrëmje që pati shumë surpriza. Pjesëmarrja e Albero Pasquarelli dhe Umberto Rissone nga “Xerjoff”, por edhe e këngëtarit të njohur italian Fred de Palma plotësuan mbrëmjen që do të mbahet mend gjatë.
Nëse zgjedh “Elle Anniversary”, do të kesh me vete elegancë, një aromë që të zhyt në romancë, kujtime, miksim i ëmbël, i mistershëm, i gjallë, fragrancë nga e cila do të marrësh 1001 e një pyetje e 1001 komplimente: Parfumi yt është fantastik.
Nëse zgjedh “Homme Anniversary”, do të zhytesh në një oaz ëmbëlsie, mes aromave që qëndrojnë të lidhura me njëra-tjetrën. Vjeshtë e brishtë, e egër, e derdhur në aromë që lë gjurmë.
Tani gjithçka që të mbetet është të trokasësh në “Maison de Parfum” sepse parfumi yt është gati.
