Eleni Foureira ndez skenën e festivalit, në fund flet shqip: Jam shumë e lumtur

Pak momente më parë, Eleni Foureira, ka elektrizuar skenën e Festivalit të RTSH-së me hitet e saj. Në fund, Eleni foli disa fjalë në shqip, edhe pse u shpreh se nuk e di mirë shqipen. “Nuk flas shumë mirë shqip, por dua të them që jam shumë, shumë e lumtur që jam këtu në Shqipëri, në Tiranë. Faleminderit shumë”, tha ajo. Eleni shtoi gjithashtu se ka lindur në Fier, por është rritur në Vlorë dhe nuk harroi të përshëndeste gjyshërit e saj që jetojnë aty. Këngëtarja e ka ndërtuar jetën e saj në Greqi, ndaj u shpreh se ai është atdheu i saj i dytë, se njerëzit aty janë shumë të sjellshëm dhe aspak racistë. Në fund Eleni këndoi edhe dy këngë shqiptare, “Nën një portokalle” dhe “Do marr çiften, do dal për gjah”.