Eleni Foureira është këngëtarja me origjinë shqiptare, e cila në “Eurovizion 2018” përfaqësoi denjësisht Qipron. Edhe pse ka kaluar kohë nga festivali europian i këngës, Foureira vijon të shijojë sukseset e këngës së saj ”Fuego”. Prej disa javësh ajo ka nisur turin në shtetet e Europës dhe ditën e sotme e ka radhën Tirana.
Në një skenë ku më parë u ngjit Rita Ora dhe Ermal Meta, sot Eleni ka në dorë të elektrizojë publikun shqiptar.
Koncerti fillon në orën 20:00 dhe për të bërë provat e fundit, këngëtarja është nisur nga Greqia. Lajmin e ka bërë të ditur shefi i kuzhinës, Renato Mekolli, nëpërmjet një postimi në ‘Instagram’.
“Po vijmë ne. Dy fierakë bashkë”,- shkruan Renato krahas fotos ku shfaqet me Eleni Foureiran./revistawho.com
