Historia e dashurisë mes Elhaida Danit dhe Ledian Agalliajt ka qenë që në nisje nën vëmendjen e fortë të publikut. Që kur lidhja e tyre u bë e njohur, çifti është përfolur shpesh për krisje, ndarje apo tensione, por pas çdo thashethemi ata janë shfaqur sërish bashkë.
Së fundmi, dyshimet janë rikthyer. Elhaida dhe Lediani nuk e ndjekin më njëri-tjetrin në Instagram, një veprim që zakonisht interpretohet si shenjë distance në marrëdhëniet publike.
Për më tepër, këngëtarja ka fshirë të gjitha postimet ku shfaqej krah partnerit të saj. Nga ana tjetër, balerini ka hequr shumicën e fotove me Elhaidën, por ka lënë ende disa, duke lënë vend për interpretime të ndryshme.
Në postimet e fundit, Elhaida ka treguar se ndodhet në Shangai për angazhimet e saj muzikore, duke ndarë momente nga udhëtimi dhe puna, pa bërë asnjë koment për situatën personale. Ndërkohë, Lediani ka publikuar përditësime që tregojnë se nuk ndodhet pranë saj gjatë këtyre ditëve, gjë që ka shtuar edhe më shumë dyshimet për një ndarje të mundshme.
Aktualisht, mes tyre nuk ka asnjë komunikim publik. Megjithatë, mbetet e paqartë nëse kjo situatë është thjesht një debat mes çiftit apo një ndarje përfundimtare.
