Këngëtarja Elhaida Dani ka publikuar gjatë mëngjesit të sotëm një status në të cilin uron fituesen e festivalit “Kënga Magjike 2015”.
“Nuk e kam ndjekur ‘KM’ këtë vit për shkak të lëvizjeve të shumta që kam.
U zgjova nga lajmi që Aurela Gaçe fiton këtë festival për herë të tretë, degjova këngën dhe…
Muzikë, tekst, zë, personalitet !
Aurela Gaçe është ndër të vetmet artiste të skenës shqiptare që e meriton.
Duhet të kujtojmë që mbi të gjitha jemi ne të fituarit këtu, pasi jemi ne që përjetojmë emocione kaq të bukura nga këngë të ndjera si kjo !
Të dua shumë Aurela”,-përfundon shkrimin e saj Elhaida.
Ndërkohë këngëtarja shkodrane është komentuar në media për ndarjen nga i fejuari Italian.
