Aktorja e famshme turke, Tuba Buyukustun, e ka bërë realitet projektin që kishte në mendje për të realizuar këtë vit. “Boutique” është hoteli që ka blerë aktorja në Bodrum, një prej zonave më të shtrenjta bregdetare në Turqi. Vlera e hotelit kap koston e 6 milionë eurove. Aktualisht, Tuba është e zënë me projektin e serialit të saj të ri “Istanbul Kırmızısı” (Istanbul Red) (Stambolli i kuq), me producent Ferzan Özpetek, shkruan “Class”. Sapo të mbarojë xhirimet e filmit, së bashku me bashkëshortin Onur Saylak dhe vajzat Maya dhe Toprak, do të nisen drejt Bodrum-it. Gjatë kësaj kohe, aktorja po studion edhe shitjen e apartamenteve në Bodrum. Tuba Buyukustun ka fituar mjaft të ardhura edhe nga reklamat e xhiruara. Pjesë e publicitetit për zonën e plazhit në hotelin “Boutique”, Tuba ka tërhequr me mijëra vizitorë. Pak ditë më parë, aktorja është takuar me pronarët e hotelit, i cili kushton 6 milionë euro. Mësohet se aktorja nuk e ka dhënë ende pëlqimin përfundimtar për këtë pasuri, por po mendon seriozisht për një pronë tjetër të patundshme. Deri tani, ajo zotëron prona në Stamboll, Bodrum dhe Londër, dhe përveç këtyre, është edhe aksionere në biznesin familjar me të atin.
