Eliminoi krejtësisht këtë përbërës nga dieta, shikoni transformimin

Donna Dockerty është një 31-vjeçare nga Glasgow që ka vendosur të bëjë një ndryshim radikal në jetën e saj me qëllim përmirësimin e formës fizike. Donna dikur ishte obeze, por falë një lëvizjeje të vogël ka arritur të humbasë gjysmën e peshës. Ajo ka zhdukur totalisht nga dieta e sa e ushqyerjes, sheqerin. Përgjatë adoleshencës ajo ka ngrënë akullore, ëmbëlsira e patatina. “Haja përditë ushqime të shpejta pa u shqetësuar për shëndetin tim”, ka thënë ajo për “The Sun”. As tentativat për të mbajtur dietë dhe as martesa nuk bënë që ajo të kishte vullnetin për t’u dobësuar. Tashmë ajo ishte mësuar të ishte mbipeshë derisa kuptoi se kishte një problem serioz. Ishte Krishtlindja e vitit 2013 kur Donna pa një foto të sajën dhe vendosi të bëhej një njeri tjetër. “Nuk kishte kuptim të prisja më as Vitin e Ri, kështu zbraza kuzhinën time dhe u regjistrova në palestër”, tregon ajo. Veç kësaj, i ati vuante nga diabeti dhe ajo e dinte se duhet të eliminonte sheqerin për t’i shpëtuar sëmundjes. Transformimi ishte mbresëlënës.