Ka nevojë të besojë se të jesh njeri i mirë në jetë e ka një vlerë, mjafton që jetës të dish t’i japësh një kuptim. I fortë dhe i ndjeshëm njëkohësisht, me pamjen e një ylli kinemaje, ky është Granit Bajraktari i njohur në muzikë si Elinel. Reperin nga Kosova e pamë në klipin e ri të kantautorit Alban Skënderaj “Kam nevojë”, tek shtynte një varkë si vetmitar që filozofon për jetën. “Pasi lançova këngën “Ditë e re”, refreni i së cilës përmbante vokalin e Alban Skënderaj (një lloj remix), menaxheri im u kontaktua nga menaxheri i Albanit dhe gjërat morën rrjedhën e tyre. Më ka frymëzuar tema, të cilën e kishte përzgjedhur Albani. Ishte shumë e thjeshtë, por njëkohësisht shumë e gjetur. Sa herë që ndiej që askush s’më kupton, shfrytëzoj rastin t’i rrëfehem letrës”, ka thënë ai./ Story
