Eliona Pitarka ka emocionuar rrjetin me lajmin se është bërë nënë për herë të tretë. Aktorja e njohur publikoi një video të foshnjës së saj të sapolindur në Instagram, shoqëruar me një mesazh që la të gjithë me pikëpyetje:
“Bebi erdhi, por misteri i vogël mbetet! Po tani që po e shihni, a e ndjeni çfarë ka qenë gjatë gjithë këtyre muajve në zemrën time? Vajzë apo djalë? Bëni parashikimin e fundit.”
Ndjekësit nuk kanë marrë ende një përgjigje për gjininë e bebit, pasi Eliona ka vendosur ta mbajë të fshehtë për pak më gjatë, duke i shtuar emocionit edhe pak kuriozitet. Në një postim të mëhershëm, ajo kishte përshkruar këtë pritje si një bekim të madh dhe një moment të veçantë për të dhe për familjen.
Ajo dhe partneri i saj, Desi, tashmë janë prindër të dy vajzave, Galës dhe Sansës.
