Elisabetta Franchi është një nga stilistet më të famshme italiane. Veshjet e saj janë mjaft të pëlqyera jo vetëm në Itali, por edhe në vende të tjera të botës. Në faqen e saj në ‘Instagram’, Franchi publikon shpesh foto të vajzave të njohura, të cilat kanë zgjedhur stilimet e saj për t’u shfaqur në evente të ndryshme. Duket se në Shqipëri ajo ka një moderatore të preferuar. Bëhet fjalë për Marina Vjollcën, e cila i preferon shpesh veshjet e Elisabetta Franchit. Edhe në ‘Klanifornia’, Marina është veshur disa herë me këtë firmë, që duket se i shkon shumë për shtat natyrës elegante të saj. Megjithatë, në profilin e Elisabettës, ka mjaft foto të Marinës që datojnë prej kohësh, duke na bërë të kuptojmë që ajo është kthyer në një nga imazhet e preferuar për këtë markë.
