Elita Rudi: Ardhja ime në skenë tronditi komoditetin e prezantueseve të tjera

Bukuroshja Elita Rudi është një nga prezantueset më të pëlqyera e të ndjekura në Kosovë. Tashmë ajo ka nisur të punojë edhe në një tjetër fushë, atë të këngës. Mirëpo megjithëse do të paraqitet së shpejti si këngëtare, në një intervistë për gazetën “Paloma”, Rudi rrëfen se nuk do të heqë dorë nga prezantimi dhe pse u largua nga emisioni “Express Rozë”. “Unë mendoj që një moderatore e suksesshme për një emission showbiz-i me këngëtarë të ftuar, duhet të tregojë se di të këndojë, vallëzojë, dhe të befasojë për mirë. Ardhja ime në skenë ka bërë që prezantueset e tjera të ndiejnë konkurrencën. Para meje ato kanë qenë komode. Pas meje sikur u është tronditur ky komoditet. Largimi im nga “Express rozë” ishte një keqkuptim mes meje dhe producentëve të emisonit. Por mendoj se ata janë humbës, jo unë. Fansat e ndjejnë shumë mungesën time, moderimin tim. Humbja e tyre shihet edhe në humbjen e teleshikuesve që ka pësuar “Express rozë” pas largimit tim. Programi i ri nga unë pritet të fillojë së shpejti. Është duke u përgatitur skena”, ka thënë Elita Rudi.