Gjatë këtyre muajve të fundit Elita Rudi ka treguar se i është përkushtuar totalisht rritjes së djalit të saj, Zërit. Pas lindjes së tij jeta e Elitës dhe Gjikos ka ndryshuar në 360 gradë, sepse çdo moment të ditës ata duhet t’ja dedikojnë vogëlushit. Duke qenë se Zëri është ende shumë i vogël, çdo belbëzim apo lëvizje e tij i gëzon pa masë mamin dhe babin. Elita ka publikuar në ‘Instagram’ një video të vogëlushit, e cila tregon se zgjimi në mëngjes për të është shumë i ëmbël kur dëgjon zërin e tij. Në video ajo dëgjohet teksa i flet djalit me shumë dashuri dhe Zëri i përgjigjet me belbëzima. “Zëri i tij më shkrin zemrën”, ka shkruar Elita bashkangjitur videos.
https://www.youtube.com/watch?v=qRWtXHc3FX4&feature=youtu.be&fbclid=IwAR28uQO1NwmFSnuk8nb6yD3SyGEqwuMDpQKxStvqCUEQJo1DiptJY71wqCo
Pak ditë më parë ajo tregoi se që tani ka krijuar një lidhje shumë të ngushtë me të voglin, sepse ai edhe në gjumë fle në krahët e saj. Kujtojmë se Zëri është fëmija i parë i Elita Rudit dhe Gjikos dhe ata i dhanë fund beqarisë në shtator të 2018. /revistawho.com
