Një përplasje virtuale ka ndodhur midis këngëtares së hit-it “Love me like you do” Ellie Goulding dhe atij që është cilësuar si shqiptari më i urryer në botë, Martin Shkreli. Si shumë të tjerë, edhe këngëtarja nuk e ka pëlqyer aspak faktin që CEO farmaceutik Shkreli e rriti çmimin e kurës kundër kancerit e AIDS me 750%. Ajo shkroi në “Twitter” se do ta kishte “hequr qafe” atë, raporton “NME”. Reagimi i Shkrelit erdhi pas një muaji e gjysëm. “Qetësohu e dashur”, u pergjigj ai duke e quajtur Ellie-n si këngëtare të vetëm një hit-i. Artistja e muzikës pop nuk ka pritur gjatë por ka përsëritur “kërcënimin” kundër shqiptarit duke shënuar “unë do ta heq qafe këtë ngacmues”.
