Për dy javë rresht, Elvana Gjata vazhdon të kryesojë klasifikimin e “Top Awards”. “Njësoj” është projekti që e riktheu fuqishëm këngëtaren e talentuar pas një pauze të shkurtër në muzikë. Me thuajse 2.6 milionë klikime në kanalin e “Youtube” vetëm në 2 javë, “Njësoj” vazhdon të jetë e preferuara e publikut, i cili vazhdon ta votojë artisten duke e lënë në krye të këtij klasifikimi.
Por duket se ai që për më shumë se një muaj rresht kryesoi klasifikimin, disa raste edhe duke rrëmbyer të tri vendet e para, Noizy, ka dalë jashtë klasifikimit e bashkë me të edhe reperi tjetër 2PO2; të cilët duhet thënë se kanë vijuar të prodhojnë këngë të reja edhe gjatë kësaj periudhe.
Lajmi.net e lidh ‘zhdukjen’ e emrave të dy artistëve nga lista e këngëve më të pëlqyera në “Top Media” me konfliktet që po këta patën me autorin e spektaklit, Ledion Liço.
