Së fundmi Elvis Pupa ka ndryshuar ‘look’ duke rritur pak mjekrën dhe mund të themi se duket tërësisht si një tjetër njeri. Pas këtij ndryshimi në pamje, Elvisi arriti të gjente edhe sozinë e tij, që është shumë i njohur në fushën e muzikës. Bëhet fjalë për saksofonistin Brikel Guga, i cili tashmë duket njësoj si Elvisi. Pupa ka publikuar në rrjete sociale një foto të tij dhe shumë personazhe të njohur kanë vënë re ngjashmërinë me Brikelin.
Madje dhe vetë saksofonisti e ka theksuar faktin se ata duken njësoj me njëri-tjetrin dhe i ka lënë Elvisit një koment që i ka bërë të gjithë për të qeshur. “Jam unë apo ti?”, ka shkruar Guga me habi në foton e aktorit të humorit. “Je ti po ngjan si unë”, i është përgjigjur Elvisi.
Eneda Tarifa gjithashtu e ka vënë në dukje këtë ngjashmëri mes dy djemve dhe disa komentues të tjerë e kanë konfirmuar atë që ka thënë këngëtarja. /revistawho.com
