Emily Ratajkowski nuk e ka pasur asnjëherë problem të shfaqë pak më shumë seç duhet në emër të feminizmit. Megjithatë në një foto të fundit modelja e famshme i ka lënë të gjithë pa fjalë, duke pozuar në një formë që askush nuk e kishte imagjinuar. Emily është bërë pjesë e “Harper’s Bazaar’ për muajin shtator dhe për kopertinën e revistës shihet e veshur me të brendshme ën ngjyrë të zezë. Sigurisht që habia nuk qëndron këtu, por tek qimet e sqetullave të modeles. Në foto qimet e saj duken qartë dhe Emily ka treguar se e ka bërë këtë gjë për të dhënë mesazhe për feminizmin. “Nëse unë vendos të depilojë sqetullat e mia apo t’i lë qimet të rriten kjo gjë më takon mua. Për mua qimet e trupit janë një mundësi për gratë që të praktikojnë aftësinë e tyre për të zgjedhur, një zgjedhje e bazuar në mënyrën se si duan të ndjehen”, është shprehur Ratajkowski.
https://www.instagram.com/p/B06HuNWhGiX/
Ajo ka shtuar se ka shumë ditë që e ndjen veten akoma më të bukur kur i lë qimet e saj të rriten dhe se identiteti dhe zgjedhja e gjinisë i takon vetë çdo individi. “Unë ndjehem e fuqishme kur jam vetvetja dhe ndonjëherë të ndjehem vetvetja do të thotë të vesh një minifund. Ndonjëherë do të thotë të vesh një bluzë të gjerë. Ndonjëherë ndjehem e fortë dhe e lirë kur nuk vesh reçipeta poshtë bluzës . Në këto momente, jam thjesht unë”, ka thënë Emily për “Harper’s Bazaar”. Emily nuk është modelja e parë që pozon kështu e megjithatë vazhdon të ketë ende shumë njerëz që nuk mund t’i pranojnë të tilla fotografi. /revistawho.com
