Modelja me origjinë shqiptare Emina Cunmulaj ka treguar shpesh se nuk i braktis traditat e vendit të saj. Këtë herë ajo ka publikuar një foto në rrjete sociale në të cilën tregon se i ka përgatitur një darkë romantike me receta shqiptare bashkëshortit të saj. “Mbrëmje romantike me burrin tim në shtëpi. Bashkëshorti im e dashuron kuzhinën shqiptare, kështu që unë e “llastova” me të gjitha gatimet që mamaja ime më ka mësuar,”-shkruan Cunmulaj në Instagram. Ndër pjatat e përgatitura prej saj ishin çorba, lakrori, sallata të ndryshme etj. Vetëm pak kohë më parë Emina ka rrëfyer se është në pritje të fëmijës së saj të parë, e cila do të jetë vajzë.
