Modelja shqiptare Emina Çunmulaj, prej disa kohësh mban statusin e ambasadores së një shoqate bamirësie në Shqipëri. Dhe si e tillë ajo denoncon shpeshherë raste të familjeve të varfra në vendin tonë me qëllim sensibilizimin dhe kontributin në mirëqënien e këtyre familjeve.
I tillë ka qenë edhe rasti i fundit, ku modelja ka publikuar foto të një familjeje të varfër me mbishkrimin: “Ja si jetojnë disa familje të varfra në Shqipëri”.
Por njëra nga komentueset i është kundërvënë modeles: “Me këto foto krijon imazh të gabuar për shqiptarët në të gjithë botën”.
Debati ka vazhduar pasi Emina e ka konsideruar si të turpshëm një perceptim të tillë.
“Është e vërtetë nuk po e bëj më tragjike sesa është. Ti që mendon se duhet ta fshehim sesi jetojnë disa familje shqiptare, ty turp të qoftë. Ti shqetësohesh më tepër për imazhin që unë po i jap Shqipërisë sesa për këto familje të varfra që nuk kanë kushtet minimale të jetesës”, ka replikuar Emina.
