Muajt e fundit të shtatzënisë janë shumë të sikletshëm për nënat që janë në pritjen e ëmbël. Barku rritet dhe është shumë e vështirë të gjesh veshjet e duhura për t’u dukur elegante dhe për t’u ndjerë komode. Kur kësaj i shtohen edhe eventet publike për vajzat e ekranit, vështirësia rritet dyfish.
Xhensila Myrtezaj dhe Emina Çunmulaj janë dy nga vajzat që po e përjetojnë këtë moment dhe me zgjedhjet e tyre në veshje tregojnë se ka një zgjidhje. Të dyja kanë linja të holla dhe pavarësisht barkut që rritet, vendosin të nxjerrin në pah pjesën më elegante dhe fine të fizikut të tyre, kraharorin dhe supet.
Duke pasur parasysh fustanet që vajzat kanë veshur së fundmi në daljet e tyre publike dhe jo vetëm, pjesa fine e bustit dhe krahët e holla kamuflojnë barkun e fryrë dhe ndonjë kilogram të marrë gjatë nëntë muajve të shtatzënisë.
Sipas editorëve të modës, kur krahët nuk janë të hollë duhet t’i mbulojmë. Por një dekolte dhe krahë që vazhdojnë të ruajnë elegancën, janë çelësi i suksesit, shfrytëzojeni./revistawho.com
