Ditën e sotme në mediat rozë ka qarkulluar lajmi se aktorja e njohur e humorit Rudina Dembacaj, së shpejti do të shfaqej në një emision në televizionin ‘Klan’ dhe do të linte emisionin e saj “Mos i fol shoferit”. Thuhej se ajo do të ishte pjesë e emisionit ‘Në kurthin e Piter Panit’ përkrah moderatores Alketa Vejsiu. Megjithatë ky është një lajm i rremë! Këtë njoftim e ka dhënë vetë aktorja përmes një postimi në ‘Instastory’. “Lajm i rremë! Unë do vazhdoj të jem çdo të shtunë në ‘Mos i fol shoferit’. Në ora 21:00, në ‘Ora News’” ka shkruar ajo.
Përveç këtij emisioni, kohët e fundit Rudina ka qenë shumë e angazhuar në teatër. /revistawho.com
