Emisioni me operacione plastike, moderatorja tregon se cilët do jenë ata që do i nënshtrohen ndërhyrjeve

Është zbuluar së fundmi se moderatorja Kiara Tito do të zhvendoset në televizionin ‘Klan’ në të cilin do të prezantojë një emision të vetin. E ftuar sot në emisionin “Kush vjen për drekë”, bukuroshja ka folur për emisionin të cilin do të moderojë së shpejti. Ajo ka zbuluar për herë të parë detajet lidhur me emisionin. Kiara tregoi se emisioni do të jetë në formën e një ‘reality show’ me në fokus personazhe jo publike. E teksa foli për idenë e formatit tregoi se në fokus do të kenë operacionet plastike, me personazhe të thjeshtë të cilët do ti shohim në sallën e operacionit edhe gjatë jetës së përditshme. Megjithatë nuk tregoi një datë të saktë për startin e këtij emisioni të shumëpritur.