Numërimi mbrapsht ka filluar. Pas një pune të gjatë Festivali i 61-të i Këngës ka mbërritur në 4 netët finale. Grupi artistik, Arbana Osmana, Shpëtim Saraçi, Bojken Lako, Eduart Grishaj dhe Eraldo Rexho kanë punuar për të sjellë prej datës 19 deri më 22 dhjetor, mbrëmjet e festivalit më të përfolur të vitit.
Në natën e parë, më 19 dhjetor 2022 do të ngjiten në skenë shumë artistë të njohur të muzikës modern shqiptare, artistë të rinj dhe grupe alternative. Në natën e parë do të ketë gjithashtu disa numra specialë. Ka qenë vetë moderatorja e festivalit që ka zbuluar se do të ngjitet në skenë artistja e madhe shqiptare Margarita Xhepa e cila pritet të japë një mesazh të fortë. Mbetet të presim deri ditën e hënë më 19 dhjetor për të parë në një transmetim të drejtpërdrejtë në Radio Televizionin Shqiptar se për çfarë bëhet fjalë.
Nata 1-Artistët
1.Enxhi Nasufi
2.Erma Mici
3.Fabian Basha
4.Anduel Kovaçi
5.Fifi
6.Urban Band
7.2 Farm
8.Sara Kapo
9.Rezarta Smaja
10.Albina dhe familja Kelmendi
11.Sergio Hajdini
12.Luna Çausholli
13.Rovena Dilo
13 artistët e natës së dytë premtojnë surpriza me interpretime emocionuese, ku njësoj si në natën e parë do të shpalosen në skenën e Pallatit të Kongreseve zhanre të ndryshme muzikore.
Nuk do të mungojnë as këtë natë protagonistë të ftuar, të cilët këtë herë vijnë nga jeta reale. Ndaj qëndroni gati, ky edicion i Festivalit të Këngës, do të jetë spektakolar.
Nata 2
1.Melodajna Mancaku
2.Permit of stay
3.Arsi Bako
4.Gjergj Kaçinari
5.Franc Koruni
6.Petrit Çarkaxhiu
7.Elsa Lila
8.Gent Hoxha
9.Evi Reçi
10.Manjola Nallbani
11.Lynx
12.Alban & Lore
13.Vanesa Sono
