Emily Ratajkowski u pa duke bërë puthur e përqafuar DJ Orazio Rispo në Nju Jorku të premten mbrëma, disa javë pasi ndezi thashethemet për romancë me aktorin e Hollivudit, Brad Pitt. Modelja, 31 vjeçare dhe DJ, 35 vjeç, u fotografuan gjatë një nate takimi dhe të dy sigurisht nuk kishin turp të ndanin çaste intime para kamerave. Fotot tregojnë çiftin duke u puthur pranë një rruge të mbushur me makina. Pas puthjes së nxehtë, Rispo ia kaloi kaskën modeles, e cila hipi në motorrin e tij përpara se të largoheshin së bashku. Të dy kanë shijuar një darkë së bashku ku të ulur pranë njëri-tjetrit nuk kanë munguar puthje. Ratajkoëski dukej elegante e veshur një bluzë të zezë, pantallona të zeza dhe çizme të kuqe. DJ kishte veshur një xhaketë kadifeje jeshile, pantallona gri të errët dhe atlete. Përveç të qenit DJ për yjet, Rispo është gjithashtu i përfshirë shumë në botën e teknologjisë dhe zotëron një dyqan diskografike në Brooklyn. Megjithatë lidhja mes tyre duket të mos jetë diçka shumë serioze, pasi Ratajkowski tha se ajo ishte “beqare” javën e kaluar.
