Mbrëmë ju raportuam për një aksident me një të vdekur që ndodhi në autostradën Tiranë-Durrës. Ditën e sotme drejtuesja e mjetit që la të vdekur një këmbësor është arrestuar. Aksidenti tragjik ka ndodhur në Durrës, ku këmbësori u përplas në momentin që po tentonte të kalonte nga një kah i rrugës në tjetrin. Pas përplasjes fillestare, kalimtari është gjymtuar pasi është shtypur dhe përplasur edhe nga mjete të tjera që kanë kaluar në autostradë, raporton “Opinion”. Aksidenti ndodhi rreth orës 19:00, ku mjeti tip “Volsvagen”, me targa DR 5189 E, që drejtohej nga shtetësia Tesi Hysi, 23 vjeçe, banuese në Durrës, e cila ndodhet në Spitalin Rajonal Durrës pasi është e tronditur nga ngjarja. Policia ka njoftuar edhe arrestimin e saj. Policia ende nuk ka bërë të ditur identitetin e viktimës. Nga informacionet paraprake dyshohet se viktima është banorë i Fllakës, vendit ku ndodhi ngjarja dhe është i moshës rreth 40 vjeç.
EMRI/ Aksidenti në autostradë, arrestohet shoferja 23-vjeçare që shtypi mbrëmë këmbësorin
