Në skenën e Mitrovicës, ku publiku brohoriti fort për Gjestin, një detaj i vogël, por domethënës, u kthye në qendër të vëmendjes: një dhuratë që lidhte emrin e tij me atë të Eglit.
Fansat i dhuruan këngëtarit një palë syze të personalizuara – në njërin xham shkruhej “Gjesti”, në tjetrin “Egli”, të bashkuara nga një zemër. Jo vetëm që ai i pranoi, por i vendosi menjëherë gjatë performancës dhe vazhdoi t’i mbante edhe pas koncertit, në prapaskenë, duke u kthyer në një imazh që u përhap me shpejtësi në rrjetet sociale.
Ky gjest simbolik i ka rikthyer menjëherë në qarkullim zërat për marrëdhënien e tyre, veçanërisht pasi dyshja kanë pushuar së ndjekuri njëri-tjetrin në Instagram ditë më parë.
Përtej performancës, një palë syze arritën të trazojnë sërish rrjetin dhe të rikthejnë pyetjen që shumë ndjekës kanë: çfarë po ndodh mes Gjestit dhe Eglit?
