Rreth 5 muaj më parë Big Basta dhe Vesa Luma vendosën të largoheshin nga Shqipëria dhe të vazhdonin jetesën bashkë me djalin e tyre, Lian, në Zelandën e Re. Duket se e gjithë familja tashmë është sistemuar dhe po e shijon shumë qëndrimin në kontinentin e largët.
Menduam se ndoshta Vesa dhe Big Basta do të hiqnin dorë nga muzika, por postimet e tyre në ‘Instagram’ na kanë vërtetuar të kundërtën. Madje së fundmi, Vesa ka bërë me dije se është bërë pjesë e një akademie muzikore në Zelandën e Re dhe aty ndan eksperiencën e saj në muzikë. Këngëtarja ka postuar një fotografi në ‘Instagram’, në të cilën ka shkruar; “Jam shumë e lumtur që kam mundësi të ndajë eksperiencën time në muzikë dhe këngë në Zelandën e Re”.
Në ‘website’-in e kësaj akademie muzikore është krijuar një profil i veçantë për Vesën ku thuhet se ajo ka një eksperiencë të gjatë në muzikë dhe në këngë në Shqipëri. Ndër të tjera shkruhet se këngëtarja ka marrë pjesë në disa kompeticione muzikore si tek “Ethet” apo “Pop Idol” dhe ka fituar rreth 20 çmime. /revistawho.com
