Një nga balerinat më të suksesshmë shqiptare, Enada Hoxha, ndihet e trishtuar për shkak të zhvendosjes së Teatrit Kombëtar të Operas dhe Baletit në Kinostudio. Ajo e ka bërë të ditur këtë gjë përmes një statusi në Facebook, në të cilin shpreh keqardhjen e madhe që o largohet nga shtëpia e saj e dytë, ashtu siç e cilëson ajo. “Të largohesh nga TKOB, për ne dhe të gjithë artistët nuk është e lehtë, kur mendojmë që për 20 vite kjo sallë ka qenë shtëpia jonë e dytë. Kemi punuar me orë të tëra me mjeshtrin e madh Agron Aliaj, i cili punoi me breza të tërë artistësh, ashtu si edhe me ne të dy. Në këtë sallë kemi derdhur djersë, jemi lënduar, jemi përlotur, por mbi të gjitha sadisfaksioni ka qenë shumë i madh. Çfarë trishtimi zhvendosja! Por jam e lumtur që pas tre vitesh ky teatër do të fitojë shkëlqimin e merituar…”, ka shkruar balerina e njohur.
