Kemi dëgjuar çmenduri nga më të ndryshmet të fansave për personazhet e njohur publik. Ka shumë mënyra për të shprehur dashurinë, ndaj shumica zgjedhin ato më kreativet për të treguar adhurimin ndaj idhullit. Shumë fansa kanë zgjedhur që të kenë në përjetësi të gdhendur në trup portretin e personazhit të tyre të preferuar. Ndërsa një fanse e Encës ka zgjedhur të ketë gjithmonë me vete emrin e këngëtares. Ajo ka bërë tatuazh në pjesën e parakrahut emrin e Encës dhe fotografinë e ka publikuar në ‘Instagram’. “Sepse të dua shumë”, – ka shkruar fansja bashkangjitur fotos së tatuazhit. Ky gjest e ka emocionuar shumë Encën, duke qenë se në shumicën e rasteve bëhen tatuazh emrat e personave më të afërt dhe të dashur. /revistawho.com
