Vetëm 4 ditë nga publikimi i projektit të tyre më të fundit, kënga “Bow Down” e këngëtares Enca Haxhia dhe reperit Noizy ka arritur në 3 milionë klikime. Një “bum” i vërtetë sa i përket pritshmërive të të dyve. Në një intervistë për Express Enca ka ndarë disa detaje nga realizimi i klipit, të pa publikuara më parë.
“Tek ky projekt jam jo vetëm performuese po dhe autore duke qenë së kam bërë muzikën dhe tekstin”,-shprehet Enca.
Gjithashtu këngëtarja ka theksuar se ky ishte një projekt i menduar prej kohësh si një bashkëpunim i dytë me Noizyn, por duhej pritur për materialin e duhur.
“Donim të sillnim një tip “Jena mbretër 2” që ka qenë fenomen si këngë në kohën e vet dhe me statistikat duket që ja kemi arritur duke qenë se për 4 ditë u bëmë 3 milion,”-vijon këngëtarja.
Ndërkohë ajo shprehet se si projekt “Bow Down” ka zgjatur shumë në kohë. “Unë personalisht e nisa që vjet në shtator këtë projekt”. Gjithashtu ajo thekson se tashmë me këtë këngë ka arritur të thyejë një projekt së bashku me Noizyn.
“Kënga ka marrë përmasa internacionale kështu që sigurisht jemi shumë të kënaqur, por e mira nuk ka fund.” E pyetur sesi do të jetë kjo verë për të Enca ka thënë për gazetën Express se këtë verë nuk do të pushojë për asnjë çast, por do t’i përkushtohet punës. “Në 1 korrik nis turi dhe e mbaroj në fund gushtit,”-përfundon këngëtarja e hitit Bow Down./Gazeta Express/
